So‘nggi yillarda global iqlim o‘zgarishi tufayli dunyoda oziq-ovqat xavfsizligini ta’minlash  masalasi insoniyat oldida eng muhim vazifalardan biriga aylanib bormoqda. Shunday sharoitda  qishloq xo‘jaligida mavjud resurslar va imkoniyatlardan oqilona va to‘liq foydalanish, oziq-ovqat  ekinlari maydonlarini kengaytirish, yuqori hosildorlikni ta’minlash hamda hosilni turli zararli  organizmlardan himoya qilishda innovatsion texnologiyalarni joriy etish nihoyatda dolzarbdir. Bu  yo‘nalishda amalga oshirilayotgan chora-tadbirlar nafaqat oziq-ovqat xavfsizligini  mustahkamlash, balki yangi ish o‘rinlarini yaratish, tarmoqlarda samaradorlik va  raqobatbardoshlikni oshirishga ham xizmat qiladi.